तळोद्याच्या युवकाचा यशस्वी स्वावलंबी प्रवास – लव्हकुमार पिंपरे यांचा ‘बॅटरी चार्जिंग पाणी निर्मिती’ उद्योग उभारणीचा प्रेरणादायी अनुभव

तळोद्याच्या युवकाचा यशस्वी स्वावलंबी प्रवास ;

 लव्हकुमार पिंपरे यांचा ‘बॅटरी चार्जिंग पाणी निर्मिती’ उद्योग उभारणीचा प्रेरणादायी अनुभव

              नंदुरबार जिल्ह्यातील तळोदा येथील लव्हकुमार नथ्थु पिंपरे या युवकाने मुख्यमंत्री रोजगार निर्मिती कार्यक्रम (CMEGP) अंतर्गत मिळालेल्या बँक व जिल्हा उद्योग केंद्राच्या सहकार्याने "बॅटरी चार्जिंग पाणी निर्मिती" या नाविन्यपूर्ण उद्योगाची यशस्वी सुरुवात केली आहे.

 आर्थिक पाठबळ व व्यवसाय सुरुवात:

लव्हकुमार पिंपरे यांनी सेंट्रल बँक ऑफ इंडिया, तळोदा शाखेमार्फत ₹14,75,000/- प्रकल्पासाठी कर्ज मंजूर करून घेतले. आधीच मिनरल वॉटर वितरणाचा अनुभव असल्याने स्वतःच्या मालकीच्या जागेवर हा व्यवसाय सुरू करताना त्यांनी अचूक नियोजन केले.

 उद्योगाचे स्वरूप व आर्थिक वाढ:

हा उद्योग सुरू करताना सुरुवातीच्या टप्प्यात संघर्षाचा सामना करावा लागला, परंतु दर्जेदार उत्पादनामुळे स्थानिक विक्रेत्यांचा भरभरून प्रतिसाद मिळत आहे. गेल्या आर्थिक वर्षात (2023-24) तब्बल ₹12 लाखांची उलाढाल झाली असून, सध्या वर्षाला ₹15 ते ₹20 लाखांची उलाढाल होत आहे. या व्यवसायामुळे परिसरातील 15 ते 20 कामगार, कारागीर व चालकांना रोजगारही मिळाला आहे.

 सामाजिक प्रगतीसाठी उदाहरण:

बेरोजगारीतून मार्ग काढत लव्हकुमार यांनी यशाचे नवे पर्व लिहिले आहे. जिल्हा उद्योग केंद्राच्या योजनांची माहिती घेऊन, योग्य मार्गदर्शन व इच्छाशक्तीच्या जोरावर त्यांनी आपल्या कुटुंबासाठी व समाजासाठी आर्थिक सक्षमतेचा आदर्श निर्माण केला आहे.

 मुख्यमंत्री रोजगार निर्मिती योजनेअंतर्गत अशा युवकांनी प्रेरणा घेऊन नवउद्योजकतेच्या वाटचालीला गती देणे हेच खरे स्वावलंबनाचे लक्षण होय.

.

.

.

#उद्योगविकास #CMEGP #स्वावलंबन #नवउद्योजक #नंदुरबार #DalitEntrepreneur #StartUpIndia #सक्षमयुवक #DistrictIndustriesCentre