जिल्ह्यातील २५ हजार बालकांचे शाळेप्रवेश सोहळ्यात भरभरून स्वागत!

Sapta Nagari News June 16, 2025 0

जिल्ह्यातील २५ हजार बालकांचे शाळेप्रवेश सोहळ्यात भरभरून स्वागत!

दिनांक १६ जून २०२५ रोजी शैक्षणिक वर्ष २०२५-२६ च्या पहिल्याच दिवशी नंदुरबार जिल्ह्यातील सुमारे २५,००० विद्यार्थ्यांचे विविध शाळांमध्ये हर्षोल्हासात स्वागत करण्यात आले. यापैकी १९,००० पेक्षा अधिक विद्यार्थ्यांनी जिल्हा परिषद शाळांमध्ये प्रवेश घेतला आहे.

राज्य शासनाच्या मार्गदर्शनानुसार आयोजित या प्रवेशोत्सव उपक्रमात मान्यवर आमदार, अधिकारी, लोकप्रतिनिधी, शाळा व शिक्षण विभाग प्रमुखांनी शाळांना भेटी देऊन विद्यार्थ्यांचे औपचारिक स्वागत केले.

सुंदरदे जि.प. शाळेत जिल्हाधिकारी डॉ. मित्ताली सेठी यांनी, नटावद व देवपूर येथे आमदार डॉ. विजयकुमार गावीत, दलेलपूर आमदार राजेश पाडवी यांनी केले. नवागाव व बोरवण येथे आमदार शिरीष नाईक, अंकुशविहीर येथे आमदार आमशा पाडवी, गुजरभवाली येथे मुख्य कार्यकारी अधिकारी सावनकुमार , दुधाळे व ठाणेपाडा येथे प्राथमिक शिक्षणाधिकारी वंदना वळवी यांनी स्वागत केले.

पहिल्याच दिवशी विद्यार्थ्यांना पाठ्यपुस्तके, गणवेश, बूट व मोजे यांचे वाटप करण्यात आले. पालक व शिक्षक यांच्यातही आनंद व उत्साहाचे वातावरण पाहायला मिळाले.