नंदुरबारची जान्हवी हेगडे आंतरराष्ट्रीय रोलबॉल वर्ल्डकप स्पर्धेत भारतासाठी सुवर्णपदक विजेती!

 नंदुरबारची जान्हवी हेगडे आंतरराष्ट्रीय रोलबॉल वर्ल्डकप स्पर्धेत भारतासाठी सुवर्णपदक विजेती!

 नंदुरबार जिल्ह्यातील श्रीमती हि. गो. श्रॉफ हायस्कूल, नंदुरबार येथील विद्यार्थिनी जान्हवी हेगडे हिने १७ वर्षांखालील मुलींच्या आंतरराष्ट्रीय रोलबॉल वर्ल्डकप स्पर्धेत भारताचे प्रतिनिधित्व करत सुवर्णपदक जिंकले आहे! भारताच्या क्रीडा क्षेत्रात एक अत्यंत अभिमानास्पद कामगिरी आहे.

भारताचा सन्मान, नंदुरबारचा गौरव: या स्पर्धेचे आयोजन २२ ते २७ जून २०२५ दरम्यान नैरोबी, केनिया येथे करण्यात आले होते. जान्हवीने संघाची गोलकीपर म्हणून जबाबदारी सांभाळत आंतरराष्ट्रीय पातळीवर आपली छाप सोडली. तिच्या चपळतेने आणि रणनीतीने भारताचा बचाव मजबूत राहिला आणि भारताने स्पर्धेत अजेय कामगिरी केली.

 स्पर्धेतील भारताचा विजयक्रम:

1.  केनिया – ७ : १

2.  पोलंड – ५ : ०

3.  इजिप्त – ८ : ०

4.  साऊथ आफ्रिका – १२ : ०

अंतिम सामना: केनिया – ५ : ०

भारतीय संघाने सर्व सामन्यांत दबदबा राखत अंतिम फेरीत पुन्हा केनियाला पराभूत करत सुवर्णपदक पटकावले.

शाळेचा आणि जिल्ह्याचा अभिमान:

जान्हवीच्या यशासाठी तिला शाळेतील क्रीडा शिक्षक जगदीश वंजारी, मनीष सनेर, हेमचंद्र मराठे आणि प्रशिक्षक नंदू पाटील यांचे अमूल्य मार्गदर्शन लाभले.

सार्वजनिक शिक्षण समितीचे चेअरमन अ‍ॅड. रमणलाल शाह, मुख्याध्यापिका सौ. सुषमा शाह, उपमुख्याध्यापक राजेश शाह आणि सर्व शिक्षकवर्गाने जान्हवीचे अभिनंदन करत तिला शुभेच्छा दिल्या.

जिल्हा क्रीडा कार्यालयाचा गौरव:

जिल्हा क्रीडा अधिकारी सुनंदा पाटील यांनी जान्हवीच्या या यशाबद्दल अभिनंदन करत, जिल्ह्यातील नवोदित खेळाडूंना प्रेरणा देणारे हे उदाहरण असल्याचे सांगितले.

 

जान्हवी – एक प्रेरणादायी उदाहरण:

नंदुरबार सारख्या ग्रामीण भागातील एका विद्यार्थिनीने आंतरराष्ट्रीय स्पर्धेत भारताला सुवर्णपदक मिळवून दिले, ही बाब केवळ जिल्ह्यासाठी नव्हे तर संपूर्ण महाराष्ट्रासाठी गौरवाची आहे.

.

.

.

#RollBallWorldCup2025 #JanhaviHegde #NandurbarPride #IndiaWinsGold #DistrictSportsOffice #SportsForIndia #KhelMahotsav #WomenInSports #JansevaThroughSports #NandurbarYouthPower