हलदाणी गावात नवीन बँक शाखेसाठी स्थळ उपविभागीय अधिकारी अंजली शर्मा यांनी केली पाहणी सकारात्मक कारवाई

 हलदाणी गावात नवीन बँक शाखेसाठी स्थळ उपविभागीय अधिकारी अंजली शर्मा यांनी केली पाहणी सकारात्मक कारवाई

                 नवापूर तालुक्यातील हलदाणी गावात बँकिंग सुविधा निर्माण करण्याच्या दृष्टीने महत्त्वाची पायरी टाकण्यात आली आहे. उपविभागीय अधिकारी अंजली शर्मा (IAS) यांनी गावातील प्रस्तावित स्थळाची पाहणी करून, बँक शाखेसाठीच्या अनुषंगाने सर्व बाबींचा तपशीलवार आढावा घेतला.

बँक स्थापनासाठी जागेची सखोल पाहणी केली. गावाच्या मध्यवर्ती व नागरीकांसाठी सहज उपलब्ध असलेल्या जागेची निवड करून, त्या ठिकाणी उपस्थित ग्रामपंचायत सदस्य, अधिकारी आणि स्थानिक नागरिकांशी चर्चा करण्यात आली.

 पाहणीत खालील बाबींचा विचार करण्यात आला. जागेची मोजणी व प्रवेशद्वाराची उपलब्धता,  पाणी, वीज, वाहतूक व्यवस्था व परिसराची सुरक्षितता, भविष्यातील विस्तारास पोषक असे स्थान पाहणी केली.

लोकसहभागातून गरजांची नोंद उपविभागीय अधिकारी यांनी स्थानिक नागरिकांशी संवाद साधून गावातील आर्थिक, सामाजिक व दैनंदिन व्यवहारांची माहिती घेतली. बँक शाखेच्या अभावामुळे उद्भवणाऱ्या अडचणी, व विशेषतः वृद्ध, महिला आणि शेतकऱ्यांच्या गरजा समजून घेतल्या.

अहवाल सादरीकरण प्रक्रियेत:

सदर स्थळ प्राथमिक स्वरूपात योग्य असल्याचे निरीक्षण नोंदवण्यात आले असून, लवकरच अंतिम अहवाल तयार करून संबंधित बँक आणि जिल्हा प्रशासनाकडे सादर केला जाणार आहे.

हलदाणीसारख्या ग्रामीण भागात बँकिंग सुविधा उपलब्ध होणे ही केवळ आर्थिक सक्षमीकरणाची बाब नाही, तर सामाजिक प्रगतीची दिशा दर्शवणारी सकारात्मक पायरी आहे. उपविभागीय अधिकारी अंजली शर्मा यांची ही पाहणी सुव्यवस्थित नियोजन व लोककेंद्रित प्रशासनाचे उत्तम उदाहरण ठरते.

.

.

.

#HaladaniDevelopment #BankingForAll #SDMAction #AnjaliSharmaIAS #NandurbarProgress #FinancialInclusion #NandurbarUpdates