काकर्दे येथे राष्ट्रीय नैसर्गिक शेती अभियानांतर्गत जनजागृती कार्यशाळा

 काकर्दे येथे राष्ट्रीय नैसर्गिक शेती अभियानांतर्गत जनजागृती कार्यशाळा 

नंदुरबार तालुक्यातील काकर्दे येथे राष्ट्रीय नैसर्गिक शेती अभियानाअंतर्गत नंदुरबार तालुक्यातील काकर्दे गावात जनजागृती व ओरिएंटेशन कार्यशाळेचे यशस्वी आयोजन करण्यात आले. ही कार्यशाळा जिल्हा अधीक्षक कृषी अधिकारी चेतनकुमार ठाकरे यांच्या मार्गदर्शनाखाली व आत्मा प्रकल्प संचालक  दीपक पटेल यांच्या अध्यक्षतेखाली पार पडली.

 शाश्वत शेतीकडे शेतकऱ्यांची वाटचाल:

कार्यशाळेमध्ये नैसर्गिक शेतीबाबत जागरूकता निर्माण करण्यासाठी आणि शेतकऱ्यांना जैविक निविष्ठांच्या वापराबाबत मार्गदर्शन देण्यात आले.

पाणी फाउंडेशनचे तालुका समन्वयक भूषण ठाकरे यांनी शेतकऱ्यांना जीवामृत, बिजामृत, दशपर्णी अर्क, निमास्त्र, गांडूळ खत यांसारख्या नैसर्गिक निविष्ठा तयार करण्याच्या पद्धती सविस्तरपणे सांगितल्या.

मान्यवरांची उपस्थिती:

सरपंच राकेश माळी, तालुका कृषी अधिकारी एस. एस. राजपूत,मंडळ कृषी अधिकारी कुणाल ठाकूर, उप कृषी अधिकारी करणसिंग गिरासे, सहाय्यक कृषी अधिकारी सचिन दराडे, कृषी सेवक दीपक राजपूत, मंदार पाटील, कृषी सखी छाया माळी व शोभा मराठे

योजना आणि गट निवड:

नैसर्गिक शेती प्रकल्पासाठी ५० हेक्टर गट आणि १२५ लाभार्थी शेतकरी निवडले गेले असून, यांना शासनाच्या योजनांचा लाभ मिळणार आहे.

आत्मा प्रकल्प संचालक दीपक पटेल यांनी २ वर्षांच्या प्रकल्पातील घटक व अनुदान रचना स्पष्ट केली आणि कृषी सखींच्या सहकार्याने हा प्रकल्प यशस्वी करण्याचे आवाहन केले.

कार्यशाळेचे सूत्रसंचालन करणसिंग गिरासे यांनी केले, तर आभार प्रदर्शन कृषी सेवक मंदार पाटील यांनी केले.

काकर्दे येथील ही कार्यशाळा नैसर्गिक शेतीकडे वळणाऱ्या शेतकऱ्यांसाठी एक महत्त्वाचा टप्पा ठरला असून, पर्यावरणपूरक व कमी खर्चिक शेतीकडे वाटचाल करताना शासन, विभाग आणि स्थानिक पातळीवरील समन्वय याचे उत्तम उदाहरण निर्माण झाले आहे.