‘शासन आणि आपण’ संकल्पनेवर छायाचित्र, रिल्स आणि लघुपट स्पर्धेचे आयोजन; मुख्यमंत्री यांच्या कृती कार्यक्रमात लोकसहभागातून जनजागृतीचा नाविन्यपूर्ण उपक्रम

 ‘शासन आणि आपण’ संकल्पनेवर छायाचित्र, रिल्स आणि लघुपट स्पर्धेचे आयोजन;

मुख्यमंत्री यांच्या कृती कार्यक्रमात लोकसहभागातून जनजागृतीचा नाविन्यपूर्ण उपक्रम

 नंदुरबार  दिनांक १७ एप्रिल २०२५ (जिमाका)

मुख्यमंत्री यांच्या शंभर दिवसांच्या लोकाभिमुख, गतीमान प्रशासनाच्या कृती कार्यक्रमातील नाविन्यपूर्ण उपक्रमात नंदुरबार जिल्ह्याच्या प्रगतीचे सचित्र आणि दृकश्राव्य माध्यमातून दर्शन घडावे यासाठी जिल्हा माहिती कार्यालयाने नंदुरबार जिल्ह्यातील मुख्यमंत्री यांच्या कृती कार्यक्रमासह प्राचीन, ऐतिहासिक वारसा आणि सरकारच्या विविध महत्त्वाच्या योजनांवर आधारित ‘शासन आणि आपण’ या संकल्पनेवर आधारित छायाचित्र, रिल्स आणि लघुपट स्पर्धा आयोजित केली आहे. त्यामुळे शासनाच्या जनसंपर्क मोहिमेत थेट लोकसहभागातून जनजागृती करण्याचा मानस असल्याची माहिती जिल्हा माहिती अधिकारी रणजितसिंह राजपूत यांनी दिली आहे.

‘शासन आणि आपण’ या संकल्पनेवर आधारित नंदुरबार जिल्ह्यातील मुख्यमंत्री यांचा १०० दिवसांचा कृती कार्यक्रम, कृषी, शैक्षणिक, सामाजिक, सांस्कृतिक, जलसंधारण, जलसंपदा, पायाभूत सुविधा, आरोग्य, पर्यटन आणि पर्यावरण, वने, ग्रामविकास, आदिवासी विकास, सामाजिक न्याय आदी व यासारख्या शासकीय योजनांशी संबंधित छायाचित्र, रिल्स आणि लघुपट स्पर्धेसाठी पाठवता येतील.

 प्रथम, द्वितीय आणि तृतीय, उत्तेजनार्थ क्रमांकासाठी निवड झालेल्या छायाचित्र, रिल्स आणि लघुपटांना स्मृतीचिन्ह व प्रमाणपत्रासह आकर्षक पारितोषिक प्रदान केले जाणार असून, तीन उत्तेजनार्थ बक्षिसे देण्यात येणार आहेत.

 या स्पर्धेत प्राप्त झालेल्या छायाचित्रांपैकी दर्जेदार छायाचित्र, रिल्स आणि लघुपटांना शासनाच्या समाजमाध्यमांवरून प्रसिद्धी देण्यात येईल. जिल्हा व राज्यभरातून प्राप्त दर्जेदार छायाचित्रांची, निवड करण्यासाठी तज्ज्ञांची समिती नेमण्यात येणार आहे.

स्पर्धेची नियमावली

📷 १. छायाचित्रण स्पर्धा

* 📏 छायाचित्रे १८x३० इंच एचडी (HD) च्या मानक आकाराची असावीत.

* 🎯 छायाचित्रांची थीम जिल्हा माहिती कार्यालयाने सुचविलेल्या विषय आणि संकल्पनांशी सुसंगत असावी.

* ✨ छायाचित्र ही स्वतःची सर्जनशीलता असावी.

* 🚫 छायाचित्रांमध्ये कोणतेही अनुचित व्हिज्युअल्स नसावेत.

* ❌ कोणतीही कॉपीराईट सामग्री वापरली जाऊ नये.

* 📝 छायाचित्राचे तपशीलवार वर्णन व एक आकर्षक कॅप्शन अपेक्षित आहे.

* ⚖️ स्पर्धेत भाग घेतलेल्यांचे छायाचित्रांचे स्वामित्व अधिकार जिल्हा माहिती कार्यालयाकडे असतील.

🎞️ २. रिल्स स्पर्धा

* ⏱️ रील्ससाठी वेळ मर्यादा कमाल १ मिनिटांपर्यंत असेल.

* 🚫 असभ्य भाषा, आक्षेपार्ह शब्द याचा वापर यामध्ये करता येणार नाही.

* ❌ कोणतेही कॉपीराईटचे उल्लंघन होणार नाही याची काळजी घ्यावी.

* 1️⃣ एकापेक्षा अधिक नोंदींना परवानगी नाही.

* 🧑‍🎓 स्पर्धा १८ वर्षे आणि त्यावरील सर्वांसाठी खुली असेल.

* 🧾 मानक रील्स स्वरूप अपेक्षित आहे.

* ✨ रील्स नवीन असणे आवश्यक आहे आणि विशेषतः या स्पर्धेसाठीच तयार केलेले असले पाहिजेत.

* ⚖️ स्पर्धेत भाग घेतलेल्यांचे रील्सचे स्वामित्व अधिकार जिल्हा माहिती कार्यालयाचे असतील.

🎬 ३. लघुपट स्पर्धा

* ⏳ लघुपटाचा अवधी किमान ३ मिनिटे ते कमाल ५ मिनिटे इतका असावा.

* 👥 या स्पर्धेत १८ वर्षावरील कोणीही भाग घेऊ शकतात.

* ✨ लघुपट नवीन असणे आवश्यक आहे. लघुपट विशेषतः या स्पर्धेसाठीच तयार केलेला असावा.

* 🚫 अभद्र भाषा, हिंसा, उपरोधिक, आक्षेपार्ह अपशब्द व नकारात्मक शब्द वापरले जाणार नाहीत.

* 🎯 स्पर्धेत सहभागी होणाऱ्या जिल्हा माहिती कार्यालयाने नमूद केलेल्या थीम आणि मार्गदर्शक तत्त्वांचे पालन करणारे लघुपट सादर करणे आवश्यक आहे.

* ❌ कोणतेही कॉपीराईट उल्लंघन होणार नाही याची काळजी घ्यावी.

* 1️⃣ एकापेक्षा अधिक नोंदींना परवानगी नाही.

* 🎞️ मानक व्हिडिओ स्वरूप एमपी ४ (MP4) एचडी १९२० x १०८० अपेक्षित आहे.

* 🌐 लघुपट YouTube व X साठी स्वरूपात असावा.

* 🗣️ लघुपट मराठी, आदिवासी, अहिराणी बोलीत भाषेत बनवता येईल.

* 📑 आदिवासी/अहिराणी बोली भाषेत बनवलेल्या लघुपटांसोबत मराठी अनुवादित संहिता (स्क्रिप्ट) जोडणे आवश्यक आहे.

* 🖥️ लघुपट एच डी (HD format) मध्ये सादर कराव (सबमिट) करावा.

* ⚖️ भाग घेतलेल्यांचे लघुपटांचे स्वामित्व अधिकार जिल्हा माहिती कार्यालयाकडे असतील.

✉️ स्पर्धेत भाग घेऊ इच्छिणाऱ्यांनी

diondbphoto75@gmail.com या ई-मेल आयडीवर २८ एप्रिल २०२५ पर्यंत पाठवावीत.

📝 सोबत:

* आपले नाव

* संपूर्ण पत्ता

* मोबाइल नंबर

* छायाचित्र / रील्स / लघुपट कोणत्या ठिकाणचे आहे याची माहिती देणे आवश्यक आहे, असेही जिल्हा माहिती अधिकारी रणजितसिंह राजपूत यांनी कळविले आहे.